Reporteri

nga EDLIRA GJONI

Një baba braktisi foshnjën e tij para dy ditësh në Korçë, sepse i vetëm e në vështirësi ekonomike nuk e rriste dot fëmijën e tij. Nëna vdiq pak javë më parë gjatë lindjes në spitalin e qytetit. Historia është shumë më e dhimbshme nga ç’mund të perceptohet në vrullin mediatik apo qytetar në vend. Braktisja e një foshnje vërtet nuk e ka kurrë fuqinë të kapë hapjen e një edicioni lajmesh, por gjesti, gjendja, arsyeja, e vërteta e kësaj braktisjeje specifike dhe e shumë të tjerave të ngjashme janë patjetër një bumerang që njerëzisht nuk mund të neglizhohet. Lexo artikullin e plote »

Babai i fëmijës ka pranuar se nuk mund të kujdesej për të dhe shërbimet sociale kanë zbuluar se fëmija vazhdonte të dhunohej dhe të mos kishte përkujdesje. Ndërkohë 12-vjeçari që është fëmija i parë që merret në mbrojtje, duke u hequr të drejtën e përkujdesjes prindërve, pritet të sillet në Tiranë në Shtëpinë e Fëmijës. Historia e dhunës ndaj të miturit është rrëfyer në gjykatë nga punonjësja sociale e Drejtorisë së Policisë Fier, e cila edhe ka paditur rastin në gjykatë. Lexo artikullin e plote »

Denoncimi i tezes, e cila ishte kujdesur për nipin për një farë kohe dhe pranimi i të miturit se dy prindërit e rrihnin, ka bërë që gjykata e Fierit t’u heqë këtyre të dyve të drejtën e prindërimit, ndërsa fëmija është marrë në mbrojtje. Ky mund të jetë ndër rastet e para të bëra publike të një vendimi të tillë të gjykatës, ku të dy prindërve u hiqet kujdestaria dhe fëmija merret në mbrojtje nga shteti.

Gjykata Fier njoftoi dje se ka nxjerrë një urdhër mbrojtje për një fëmijë 12-vjeç, i cili dhunohej sistematikisht nga prindërit e tij. Vendimi është dhënë pas dorëzimit të dosjes përkatëse nga ana e shërbimit social në bashkinë Fier si dhe seksionit kundër dhunës në familje në drejtorinë e policisë Qarku Fier. Fëmija A.T. sipas këtij vendimi duhet të jetë i mbrojtur nga ana e shërbimit social shtetëror dhe po kështu duhet të strehohet në një banesë po sociale larg familjes së tij biologjike. Lexo artikullin e plote »

nga SHPRESA MEZINI

Afro një muaj nga përfundimi zyrtar i mësimit në shkollat e arsimit parauniversitar, Ministria e Arsimit dhe Shkencës, publikoi disa të dhëna rreth braktisjes së shkollës, duke iu referuar raportit të Drejtorisë Arsimore në lidhje me mungesat e bëra gjatë vitit shkollor 2010-2011.

Konkretisht, bëhet me dije se fenomeni i braktisjes së shkollës dhe analfabetizmi vazhdojnë të jenë prezente në shoqërinë shqiptare. Ndonëse jo në nivele shqetësuese krahasuar me vitet e mëparshme, ato janë në fokus të problematikës që ngrihet herë pas here nga arsimtarët, duke qenë se një nga prioritetet e politikave të MASH-it është ulja e numrit të fëmijëve që largohen nga bankat e shkollës. Lexo artikullin e plote »

Të afërmit e 9-vjeçarit i cili shfrytëzohej seksualisht nga daja i tij kanë pasur edhe më parë precedentë të trafikimit të fëmijëve. Ndërkaq, policia e Korçës, pas arrestimit të 45-vjeçarit Arben Hajdinllari, është vënë në kërkim të personave që kanë qenë klientë të 9-vjeçarit, pasi dyshohet se ka funksionuar një rrjet me jo pak të dyshuar si pedofilë që përfitonin nga gjendja e mjerueshme e të miturit nga qyteti i Korçës. Policia e këtij qyteti bëri të ditur se, rasti i shfrytëzimit seksual të 9-vjeçarit mund të jetë rrjedhojë e një skandali të trafikimit të qenieve njerëzore Lexo artikullin e plote »

Gjykata e Korçës ka lënë në burg 19-vjeçarin Eduard Bufi, i cili akuzohet se ka përdhunuar 12-vjeçarin me inicialet XH.P., nga fshati Bitinckë i rrethit të Devollit. Pak ditë më parë, gjykata i kishte lënë kohë prokurorisë të paraqiste prova shtesë që fajësonin 19-vjeçarin në rastin e abuzimit me të miturin. Prokurori i çështjes, Julian Kristo i ka paraqitur trupit gjykues një tjetër akt-ekspertimi nga mjekësia ligjore, por këtë herë të argumentuar me terma juridike për të faktuar përdhunimin e 12- vjeçarit. Lexo artikullin e plote »

nga Paul Kiokoiu

Një tryezë e rrumbullakët në Baia Mare, një qytet në verilindje të Rumanisë, nuk solli asnjë alternativë ndaj një projekti polemik që do të shohë dy blloqe apartamentesh, kryesisht të banuar nga romë, të rrethuar me një mur betoni. Autoritetet vendase zotohen që të shkojnë përpara me planin.

Kryebashkiaku Katalin Çereçes ndezi reagime pak javë më parë kur njoftoi ndërtimin e një muri betoni 3 metra të lartë dhe 100 metra të gjatë që ndan bashkësinë rome prej 600 vetësh nga pjesa tjetër e lagjes. Lexo artikullin e plote »

nga Ariana Kasapolli – Selani

Qasja gjithëpërfshirëse në zhvillimin e fëmijërisë së hershme në Kosovë nuk është në nivel të kënaqshëm, thonë zyrtarë për arsim në UNICEF.

Sipas hulumtimeve të inicuara nga kjo organizatë, një nga 10 fëmijë kanë qasje në zhvillim të hershëm. Afërdita Spahiu, zyrtare për arsim në UNICEF, thotë se për ta zbutur këtë situatë, së bashku me Qeverinë e Kosovës kanë hartuar një legjislacion për interesin e fëmijëve të grupmoshave 0 deri në 6 vjet. “Ky është rezultati i punës disa vjeçare që ka bërë UNICEF-i, së bashku me Qeverinë e Kosovës dhe kryesisht me sektorët e shëndetësisë, arsimit dhe mirëqenies. Pas disa vjetësh pune për të hartuar një legjislacion për interesin e fëmijëve, duke filluar prej ligjeve, kemi punuar edhe disa lloj aktivitetesh tjera se çfarë duhet të jenë zhvillimi dhe edukimi i fëmijëve. Konstatimi është se gjendja në zhvillimin e fëmijës në Kosovë variron varësisht prej sektorëve”, thotë Spahiu. Lexo artikullin e plote »

nga Klaudija Lutovska dhe Misko Taleski

Maqedonia mori kryesimin e Dekadës së Përfshirjes së Romëve 2005-2015, një program ndërkombëtar që përfshin 12 vende europianë për të përmirësuar integrimin dhe mirëqënien e romëve.

Dekada bashkon qeveritë, organizatat ndër-shtetërore dhe OJQ-të për të përmirësuar pjesëmarrjen e romëve në arsim, punësim, strehim dhe kujdesin shëndetësor, por gjithashtu angazhon qeveritë që të trajtojnë çështjeve thelbësore të tjera, si diskriminimi. “Kryesimi i Maqedonisë do të përqëndrohet në arsimin dhe strehimin e romëve gjatë 12 muajve të ardhshëm, i tha SETimes Koordinatori Kombëtar i Zbatimit Nexhdet Mustafa. Lexo artikullin e plote »

Për të pasur një ide sa më të mirë për mënyrën se si media pasqyron dhe paraqet fëmijët, një raport monitorues për gjashtë gazetat kryesore u krye për të gjithë muajin shtator. Gazetat e përditshme përfaqësonin median kryesore dhe u përzgjodhën ato që mendohen se kanë edhe numrin më të madh të kopjeve të shitura. Meqë nuk ekzistojnë të dhëna zyrtare për shitjet e gazetave dhe tirazhin e tyre në përgjithësi, përzgjedhja e gazetave për monitorim u krye sipas konsultimeve me kryeredaktorët e të përditshmeve. Botimet e përditshme të përfshira në raportin monitorues ishin: Shekulli, Panorama, Standard, Gazeta Shqiptare, Albania, Shqip. Gjatë kësaj kohe u monitoruan të gjitha artikujt që kishin të bënin me ose përfshinin apo preknin fëmijët. Fëmijët në këtë rast upërkufizuan si personat nën 18 vjeç. Për të pasur një pamje sa më të plotë sa të jetë e mundur, artikujt që nuk përqendroheshin posaçërisht te fëmijët por kishin të bënin me ta, u morën gjithashtu parasysh. Lexo artikullin e plote »