Reporteri

nga Arben Muka

Fenomeni i dhunës ndaj grave vijon të jetë prezent në Shqipëri. Por ndërkohë është rritur numri i denoncimeve të dhunës nga ana e grave. Shqetësim mbi këtë fenomen shprehin edhe ambasadorët e huaj.

Duke shprehur shqetësimin për një problem të mprehtë të shoqërisë shqiptare, një grup ambasadorësh të huaj që punojnë në Tiranë kanë adresuar ditët e fundit në opinionin publik një letër të hapur ku kërkojnë vëmendje më të madhe nga autoritetet dhe nga shoqëria në parandalimin dhe penalizimin e këtij fenomeni. Lexo artikullin e plote »

nga Ani Ruci

Popullsia e Shqipërisë është zvogëluar me 7,7 përqind ose me rreth një gjysmë milioni në dekadën e fundit. Ky pohim vjen nga rezultatet paraprake të censusit 2011, të publikuara nga Instituti i Statistikave.

Shqipëria ka 2,8 milion banorë në krahasim me 3,07 milion që kishte para 10 vitesh ose 7,7% më pak. Të dyja shifrat janë zyrtare dhe vijnë nga censuset e zhvilluara njëri në vitin 2001 dhe tjetri në fund të 2011-ës. Zvogëlimi i numrit të popullsisë së Shqipërisë në vitin 2011 rezulton të jetë edhe më i madh: 11,1% nëse i referohemi censusit të vitit 1989. Milva Ekonomi, ekonomiste dhe eksperte e njohur në fushën e statistikave, shkakun kryesor për këtë tkurrje të popullsisë në 10 vitet e fundit e gjen në emigrimin e shqiptarëve. Lexo artikullin e plote »

nga Christoph Hasselbach / Bahri Cani

Në kohën e përdorimit masiv të rrjeteve sociale si Facebook apo Twitter, në Bruksel janë propozuar rregulla për mbrojtjen e dhënave personale.

Të gjithë ne fusim të dhëna personale dhe lëmë gjurmë në internet, përmes rrjeteve si Google apo Facebook. Prandaj edhe jemi të shqetësuar se çfarë ndodhë në fakt me këto të dhëna, si mund të kontrollohen ato dhe a mund të hiqen nga interneti. Komisionerja për Mbrojtjen e të Drejtave Themelore, Viviane Reding kërkon që në mbarë Evropën të vendosen rregulla të përbashkëta për mbrojtjen e qytetarëve dhe për pamundësimin e keqpërdorimit të të dhënave. Të mërkurën (25.1.) komisionerja paraqiti në Bruksel edhe propozime konkrete për zgjidhjen e këtyre problemeve. Lexo artikullin e plote »

nga ISUF KALO

Më 23 janar 1922, ora 11:00, ditë e hënë, në një spital të Torontos në Kanada, dr. Valter Kampbell po hezitonte. Më në fund vendosi. Guxoi të ndërmerrte një tentativë të fundit të dëshpëruar për shpëtimin e jetës së të sëmurit 14-vjeçar, Leonard Thomson. Ai vuante nga diabeti dhe ishte në gjendje ekstremisht të rëndë, pranë vdekjes së sigurt. Djali ishte i varfër dhe shtrimi e mjekimi i tij po kryhej nga spitali si lëmoshë.

Dr. Kampbell i injektoi atij një “lëng” mjekues krejt të ri, të paprovuar asnjëherë më parë te njerëzit. Por ishte treguar i aftë dy muaj më parë të ulte nivelin e sheqerit në gjak te një qen eksperimental me emrin Marjori. Lexo artikullin e plote »

nga Ilirian Agolli

Aleanca Kundër Importimit të Plehrave nisi sot të mbledhë firmat e qytetarëve për të kërkuar një referendum kombëtar mbi këtë çështje. Kjo aleancë, që bashkoi veprimtarë pro mjedisit dhe të rinj nga shumë organizatave joqeveritare, ka ngritur pika për të firmosur kërkesën për referendum në Tiranë, Vlorë, Durrës e Korçë dhe më pas në të gjithë qytetet për të arritur mbi 50 mijë firma qytetarësh. Veprimtarët shqiptarë të mjedisit kërkojnë që qeveria dhe bizneset të ndalin importimin e plehrave derisa shoqëria civile të marrë një përgjigje për referendumin. Lexo artikullin e plote »

nga Ben Andoni

Që nga koha, kur pak vite më parë u prishën godinat e banorëve në Jal, pranë Vunoit, shumë gjëra kanë rrjedhur. Banorëve ende nuk u njihen pronat, ndërsa të ardhur të shumtë po e transformojnë vendin duke ia humbur identitetin. Kioskat garojnë me njëri-tjetrin duke të kujtuar disi Parkun Rinia. Madje, dikush ka vendosur një ngrehinë druri në rërë dhe shpejt me këto ritme, do të futen deri në det. Jali i dikurshëm ka humbur krejtësisht nën lakminë e njerëzve të pangopur të kapitalizmit shqiptar… Lexo artikullin e plote »

nga SHPRESA MEZINI

Hyn në fuqi vendimi për kuotat e përgjithshme të pranimit në institucionet publike të arsimit të lartë, për vitin 2011-2012 në ciklin e parë të studimeve me kohë të plotë. Numri i tyre në total kap shifrën e 25183 lekëve, të cilat ndahen në kuota të pranimeve të reja për programet e ciklit të parë, që i janë shpërndarë 24583 vende, për kuota në programe të dyta studimi 200, për kuota për transferim studimesh 300, për kuota për shtetasit e huaj 220, për kuotat e pranimit për kandidatët brenda territorit të vendit 23843, për kuota për shqiptarët nga trojet jashtë kufi jve të vendit 700, për kuota për të verbrit 20 dhe për kuotat për romët (ballkano-egjiptianë) 20. Lexo artikullin e plote »

nga Ben Andoni

Një hapësirë arkeologjike, që duhet thënë se nuk e kalon shumë Butrintin, pak turistë dhe varfëri ekspozuese, ky është pak a shumë sfondi arkeologjik i Trojës. I mbajtur aspak mirë; një muze i varfër, që paraqet historinë e gërmimeve; dhe zërat patetikë të zvargur të guidave turke, që përsërisin të njëjtat gjëra, në të vërtetë nuk ‘të grishin’ për asgjë. Gjithsesi, po t’i harrosh të gjitha këto, je në vendin më historik të botës dhe në një atraksion, që nuk duhet mbetur pa u parë sa të jesh gjallë. Lexo artikullin e plote »

nga Ani Ruci

Universitetet publike të Shqipërisë po tërheqin një numër në rritje studentësh nga vendet e rajonit dhe më gjerë. Përfshirja në procesin e Bolonjës i bën diplomat e këtyre studentëve të vlefshme në vendet e BE.

800 të rinj dhe të reja nga Kosova, Lugina e Preshevës, Bujanovci por edhe nga trevat shqipfolëse të Maqedonisë dhe Malit të Zi dhe 220 nga vendet e tjera të rajonit, kanë zgjedhur universitetet publike të Shqipërisë për të filluar studimet e larta në vitin e ardhshëm akademik 2011–2012. Lexo artikullin e plote »

nga Aurel Boriçi

Një nismë e një grupi të rinjsh në Shqipëri, me një bazë të fortë shkollimi dhe trajnimesh, ka nxjerrë në dritë kuvendin e të rinjve me 140 senatorë.

“Ne do të mbrojmë dinjitetin kombëtar dhe do të kontribuojmë në krijimin apo forcimin e imazhit pozitiv të Shqipërisë në arenën ndërkombëtare. Ne do të ndërtojmë politika të reja të cilat do të çojnë në zhvillimin e vendit”.

Këtë sintezë jep, Anisa Hysa, senatore e Kuvendit Rinor shqiptar, që e zhgënjyer nga kaosi politik, social, apo i gjithanshëm në Shqipëri, ka vendosur të luajë një rol aktiv në vendimmarrje. Lexo artikullin e plote »